YANGA WAPELEKA PINGAMIZI LA KUFUNGIWA KWA ZAHERA WIZARA YA MICHEZO

Zikiwa zimepita siku tatu tangu bodi ya ligi kuu Tanzania bara itangaze kumfungia mechi tatu kocha wa Yanga Mwinyi Zahera kwa kosa la kutoa shutuma na kejeli kwa bodi hiyo baada ya mechi yao dhidi ya Ruvu Shooting,leo uongozi wa timu hiyo umetangaza kupeleka malalamiko kwa wizara ya michezo kupinga maamuzi hayo.

Yanga kupitia Makamu Mwenyekiti wao Fredrick Mwakalebela,wamesema adhabu ya kumfungia kocha wao mechi tatu ni kubwa na kupendekeza angepewa faini tu.

Pia Yanga wamelalamika kitendo cha kocha wao Mwinyi Zahera kupigwa wa faini ya Tsh 500,000 kwa kuvaa mavazi yasiyo nadhifu,huku kocha msaidizi wa Ruvu Shooting kutopewa adhabu licha kutovaa mavazi rasmi.