Zlatan amkubali Harry Kane

Mshambuliaji wa timu ya LA Galaxy ya Marekani aliyewahi kutamba na vilabu mbalimbali barani Ulaya kama FC Barcelona, Inter Milan na Manchester United Zlatan Ibrahimovic ameamua kutoa neno la busara kwa nyota wa Tottenham Hotspurs Harry Kane kama kweli ana malengo ya kutwaa mataji.

Zlatan ambaye ana umri wa miaka 37 amekuwa akiamini kuwa nyota wa Tottenham Harry Kane ana uwezo mkubwa kutokana na mchezaji huyo kufanya makubwa akiwa anacheza klabu ya kawaida tu hivyo anaamini kwa uwezo wake ilia pate fursa ya kutwaa mataji inabidi ahame timu na kwenda timu ya juu na kwa uwezo wake hawezi kukosa.
.
“Wakati nilipokuwa Uingereza nilikuwa nikimuona akicheza nafikiri ni mshambuliaji mzuri nab ado anaendelea kuimarika anafanya vitu vizuri, siku zote huwa nasema kucheza kwenye klabu kubwa na kufanya vizuri ni tofauti na kucheza kwenye klabu ya kawaida kama Tottenham na kufanya vizuri ila naiheshimu Tottenham, anatakiwa ahame watu watamkumbuka kwa kwa alichoshinda” alisema Zlatan Ibrahimovic

Hata hivyo Harry Kane ambaye hadi sasa anashika nafasi ya pili katika mbio za kuwania kiatu cha dhahabu Ligi Kuu nchini England, amefunga mabao 14 na kutoa pasi nne za usaidizi wa mabao akiwa nyuma ya Mohamed Salah wa Liverpool anayeongoza kwa kuwa na mabao 16 na pasi saba za usaidizi wa mabao,amewahi kutabiriwa na wengi kuja kufanya makubwa siku za usoni akiwemo nahodha wa zamani wa England na Manchester United Wayne Rooney.