Man City warudi katika ushindi

Baada ya kupoteza mechi mbili mfululizo katika ligi kuu nchini England, leo kikosi kimefanikiwa kuibuka na ushindi wa 3-1 ugenini dhidi ya Southampton.

David Siva dakika 10 aliipa City goli la kwanza, kabla ya Pierre Hojbjerg kusawazisha katika dakika ya 37.
City walifanikiwa kurudi katika uongozi baada ya James Ward Prowse kujifunga katika dakika ya 45 na katika dakika tatu za nyongeza Sergio Aguero akafunga goli la tatu la City kwa kichwa.

Ushindi huu wa 3-1 unawapeleka City katika nafasi ya pili, wakiwa nyuma kwa pointi 7 na vinara wa ligi Liverpool.
Manchester City wanataraji kuwakaribisha Liverpool katika dimba Etihad alhamis ijayo Januari 3, na hiyo itakuwa nafasi pekee ya Pep Guardiola kupunguza tofauti ya pointi na Liverpool ambao mpaka sasa hawajapoteza mchezo wowote katika ligi kuu msimu huu.